Ковидын 634 тохиолдол бүртгэгдэж, хоёр хүн нас баржээ
Сүүлийн 24 цагт коронавирусийн халдвар илрүүлэх зорилгоор 8,016 шинжилгээ хийх явцад 634 хүнээс халдвар илэрлээ. Нийт халдварын тоо улсын хэмжээнд 53,734 болж байгаа. Шинээр илэрсэн 634 тохиолдол бүгд дотоодын халдвар бөгөөд 589 нь Улаанбаатар хотод, 45 нь орон нутагт бүртгэгдлээ.
Мөн хугацаанд 608 хүн эдгэрсэн. Ингэснээр нийт эдгэрсэн хүний тоо 47,356 боллоо.
Халдварын улмаас 4,243 хүн эмнэлэгт хэвтэн эмчлүүлж байгаагаас:
- Хөнгөн - 2,107
- Хүндэвтэр - 1,518
- Хүнд - 498
- Маш хүнд - 120 хүн байна.
Хөнгөн хэлбэрээр өвчлөн гэртээ тусгаарлагдаж байгаа 1,858 хүнд Өрхийн эрүүл мэндийн төвөөс хяналт тавьж байна.
Түүнчлэн өнгөрсөн хоногт 72 болон 62 настай хоёр иргэн уг өвчний нэн хүнд хэлбэрээр нас барлаа. Нас барсан иргэд эмнэлэгт хэвтэн эмчлүүлж байсан.
Бусад мэдээ
Сэтгэгдэл
(0)
АНХААРУУЛГА: Уншигчдын бичсэн сэтгэгдэлд M21.mn хариуцлага хүлээхгүй болно. Манай сайт ХХЗХ-ны журмын дагуу зүй
зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ
зөрчсөн сэтгэгдлийг админ устгах эрхтэй.
