Ноорог.мн сайтад өнгөрсөн шөнө хойшлуулшгүй ажиллагаа явуулж, компьютерийн хард, гар утас гэх мэт зүйлсийг хурааж 22:00 цагаас өглөөний 05:00 хүртэл мэдүүлэг авчээ.
Тус сайт үйл ажиллагаагаа явуулахад хүндрэл учирсан тул өнөөдөр 12:30 цагт Цагдаагийн Кибер гэмт хэрэгтэй тэмцэх хэлтсийн гадна хэвлэлийн бага хурал зарласан байна.
Ноорог.мн сайтын сэтгүүлч өөрийн цахим хуудаснаа "Монгол Улсад иргэнээ шөнө оройн цагаар баривчилдаг, эд хөрөнгө, өмчид нь дураараа халдаж хурааж авч, нэгждэг, гэнэт цагдаж, олон цагаар мэдүүлэг авдаг энэ завхрал бүр хэвийн үзэгдэл боллоо. Ноорог сайтад өнгөрсөн шөнө хойшлуулшгүй ажиллагаа явуулж ажлын хэрэгсэл, хард, утас гэх мэт зүйлсийг хурааж өчигдөр оройн 10 цагаас өнөөдөр өглөөний 5 цаг хүртэл мэдүүлэг авлаа" хэмээн бичсэн байна.
Цагдаагийн байууллагаас Ноорог.мн сайтынхныг Эрүүгийн хуулийн 19.9.1 дүгээр зүйл буюу Үндэсний эв нэгдлийг бусниулах заалтаар шалгаж эхэлсэн гэх мэдээлэл байна
