Ховд аймгийн прокурорын газраас хоёр сартай хүүхдийг малын тэжээлээр дарж, амь насыг нь хөнөөсөн байж болзошгүй хэрэгт буюу иргэн Т.Ц-д холбогдох эрүүгийн хэрэгт яллах дүгнэлт үйлдэн шүүхэд шилжүүлжээ.

Тодруулбал, тус прокурорын газраас Ховд аймгийн Мянгад сумын иргэн Т.Ц нь 2023 оны нэгдүгээр сард өөрийн зээ охиныг унтаж байхад малын тэжээлээр дарж амьсгалыг нь бүтээж, амь насыг нь хохироосон гэх хэрэгт Эрүүгийн хуулийн 10.1 дүгээр зүйлийн 2 дахь хэсгийн 2.7, 2.8 /Хүнийг алах/ дахь хэсэгт зааснаар яллах дүгнэлт үйлдэн Ховд аймгийн эрүүгийн хэргийн анхан шатны шүүхэд шилжүүлжээ.

Гэм бурууг тогтоох шүүх хуралдаан энэ сарын 19-ний өдөр товлогдсон байна.

                                                                                        Эх сурвалж: Монгол Улсын Ерөнхий Прокурорын Газар