Төв аймгийн ИТХ-ын төлөөлөгч Н.Дугарын санаачилгаар аймгийн удирдлага, холбогдох албан тушаалтнууд өнөөдөр БНСУ-ын Чунг-Анг их сургуулийн Гвангмион эмнэлгийн удирдлагуудтай уулзаж, хамтын ажиллагааны санал солилцлоо.

Тус эмнэлгийн зүгээс Төв аймгийн Эрүүл мэндийн салбарын эмч, ажилтнуудыг дадлагажуулах, хавдрын оноштой зорилтод бүлгийн 2 хүнд үнэ төлбөргүй эмчилгээ хийх боломж гэсэн санал илэрхийллээ.

Төв аймгийн зүгээс эрүүл мэндийн чиглэлээр суралцах сонирхолтой оюутан залуусыг Чунг-Анг их сургуульд тэтгэлэгтэй сургах, мөн оношилгооны цахим танхимын тоног төхөөрөмжийн дэмжлэг үзүүлэх саналыг тавилаа.