Тээврийн цагдаагийн албаны Жижүүрийн шуурхай удирдлагын хэлтэс 2021 оны тавдугаар сарын 31-нээс зургаадугаар сарын 3-ны өдрийг дуустал хугацаанд нийт 1,090 дуудлага мэдээлэл хүлээн авчээ. Үүнээс зам тээврийн ослын шинжтэй 812 дуудлага мэдээлэл бүртгэгдсэн байна.
Бүртгэгдсэн зам тээврийн ослын улмаас нийслэлд 26, орон нутагт есөн хүн гэмтэж, орон нутагт гурав, нийслэлд хоёр хүний амь хохирсон байна. Тодруулбал :
- 2021 оны тавдугаар сарын 31-ний 21:00 цагийн орчимд Говь-Алтай аймагт, автомашин онхолдож, зорчигчийн амь хохирсон.
- 2021 оны тавдугаар сарын 31-ний 21:00 цагийн орчимд Дорнод аймагт автомашин мотоцикл 2 мөргөлдөж, мотоциклын жолоочийн амь хохирсон.
- 2021 оны зургаадугаар сарын 1-ний 13:00 цагийн орчимд Сүхбаатар аймагт суудлын автомашин онхолдож, зорчигчийн амь хохирсон.
- 2021 оны зургаадугаар сарын 3-ны 23:00 цагийн орчимд СХД-т хоёр автомашин мөргөлдөж, зорчигчийн амь хохирсон.
- 2021 оны зургаадугаар сарын 4-ний 03:00 цагийн орчимд СХД-т явган зорчигч автомашинд мөргүүлж, амь хохирсон.
Мөн гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийслэлд 149, орон нутагт 110 буюу улсын хэмжээнд нийт 259 зөрчлийг илрүүлж, учирч болох эрсдэлээс урьдчилан сэргийлэн ажилласан байна.
Тиймээс жолооч, зорчигч, иргэн та бүхэн замын хөдөлгөөнд оролцохдоо дүрэм журмаа баримтлан, өөрийн болон бусдын эрүүл мэнд хохирохоос сэргийлэхийг анхааруулж байна.
Эх сурвалж: Тээврийн цагдаагийн алба
