Жүдо бөхийн насанд хүрэгчдийн 2021 оны дэлхийн аварга шалгаруулах тэмцээн Унгар улсын нийслэл Будапешт хотноо үргэлжилж байна.Эрэгтэйчүүдийн -66 кг жинд зодоглосон ОУХМ Ё.Басхүү хүрэл медалийн төлөө Казахстаны Елдос Жумакановтой барилдах байсан ч Елдос бэртлийн улмаас барилдах боломжгүй болсноор манай бөх ДАШТ-ээс хүрэл медаль хүртлээ.

Тэрээр хэсгийн аваргын төлөө Японы бөхөд ялагдсан ч дагах барилдаанд Францын бөхийг ялснаар хүрэл медалийн төлөө гарч ирсэн.

МУГТ М.Уранцэцэг  энэ удаагийн ДАШТ-ээс анхын хүрэл медалийг Косовогийн бөх Красникиг торгуулиар ялснаар авчирсан бол удаах медалийг Ё.Басхүү авснаар одоогийн байдлаар манай улсын баг тамирчид хос хүрэл медаль хүртээд байна.