"Наршилт" гэдэг нь нарны хүчтэй төөнөсөн тусгалын нөлөөгөөр хүний бие дулааны цохилтод орж, өөрийнхөө дулааны зохицуулгыг хийж чадахгүй болсноос үүдэж хямарч, хордлогод орохыг хэлнэ 

Наршихаас сэргийлэх арга хэмжээ:

– Тогтмол ус уух

– Хүйтэн бүлээн шүршүүрт орж биеийн температурыг хадгалах

– Халуун, хурц нартай өдөр гадуур гарах, аялал зугаалгаар явах гэж байгаа бол нарны малгай, шүхэр заавал авч өмсөж, хэрэглэж явах

– Шууд нарны тусгалаас хол сүүдэртэй газар амарч тухлах

– Биедээ ус заавал авч явах, нарны малгай болон толгой, хүзүү, нуруугаа үе үе усаар норгож чийглэх

– Хурц нартай өдөр час халуун цай, хоол идэхгүй байх, хөргөж идэх

– Архи, согтууруулах ундаа хэрэглэхгүй байх

– Нарны тусгалтай газарт унтаж болохгүй

– Нарны тос, түрхлэг, нарны шилийг байнга хэрэглэх ингэснээр наранд цохиулахаас гадна наранд түлэгдэх, хэт ягаан туяанд хордохоос сэргийлнэ.

Наршсан үед илрэх шинж тэмдэг:

• Дотор бачуурч нозоорох, нүд харанхуйлж, манарах
• Огиудас хүрэх, бөөлжих
• Суулгах 
• Бага зэрэг халуурах
• Ходоод, гэдэсний хэвийн ажиллагаа алдагдах
• Наранд түлэгдсэн биеийн хэсэг улайж халуун оргих
• 

Наршсан үед юу хийх вэ?

• Буцалсан усыг хөргөөж задгай саванд хийж наранд халаагаад уг усаа уух буюу толгой биеийг угааж шавших, уух
• Дээрх шинж тэмдэг илэрвэл эмчид яаралтай хандаж үзүүлж, зөвлөгөө авах
• Нарнаас хамгаалж гэртээ чийгтэй сэрүүн орчин бүрдүүлэх
• Хэрэв халуурвал хүйтэн жинг толгой, шилэн хүзүү орчимд тавьж халуунаа бууруулах;
• Шим тэжээлтэй хоол идэх