Эрүүл мэндийн даатгалтай бүх насны иргэд рашаан сувилалд сувилуулсан тохиолдолд ЭМД-ын сангаас 250 мянган төгрөгийн хөнгөлөлт эдлэх боломжтой. Үүнд ЭМД шимтгэлээ өөрөө төлдөг, өндөр настан ахмадууд, нийгмийн халамж, дэмжлэг туслалцаа зайлшгүй шаардлагатай, хөгжлийн бэрхшээлтэй иргэд, хүүхдээ асарч буй эхчүүд, 0-18 насны хүүхэд төрөөс ЭМД-ын шимтгэлийг нь хариуцан төлдөг иргэд хамрагдах боломжтой юм.
Өөрөөр хэлбэл ЭМДЕГ-тай гэрээ байгуулсан доорх 33 рашаан сувилалд үйлчлүүлсэн бол сэргээн засах тусламж, үйлчилгээний зардлаас 250.000 төгрөгийг, уламжлалт анагаах ухааны тусламж, үйлчилгээний зардлаас 319.858-517.483 төгрөгийн хөнгөлөлтийг ЭМД-ын сангаас үзүүлэх юм. Гэрээт рашаан сувилалыг зорихдоо эмнэлгээс олгосон рашаан сувилалд илгээх бичиг, иргэний үнэмлэх, амбулаторийн хяналтын карт зэрэг бичиг баримтыг бүрдүүлэх шаардлагатай юм.
