Засгийн газрын өнөөдрийн хуралдаанаар Коронавирусын халдвар, нас баралт эрс нэмэгдэж байгаа учир Үндэсний их баяр наадмыг үзэгчгүй зохион байгуулахаар шийдвэрлэсэн байна. Тодруулбал Орон нутаг, аймаг сумдын баяр наадмыг хориглож, нийслэлд наадмыг тэмдэглэхдээ цахимаар үзэгчгүй зохион байгуулах юм. Наадмын төсвөөс хэмнэсэн зардлыг эрүүл мэндийн салбарт зарцуулахаар төлөвлөжээ.

Энэ жил  Тулгар төрийн 2230, Их Монгол Улс байгуулагдсаны 815, Ардын хувьсгалын 100 жилийн ой тохиож байгаа учраас баяр наадмыг зохион байгуулахад нийт 10 тэрбум төгрөг төсөвлөөд байсан юм.