Улсын бүртгэлийн ерөнхий хуулийн 21.2 дах хэсэгт заасныг үндэслэн Монгол Улсын Засгийн газраас 2020 оны арван хоёрдугаар сарын 23-ны өдөр “Улсын бүртгэлийн үйлчилгээний хөлсний хэмжээг шинэчлэн тогтоох тухай” 230 дугаар тогтоол батлагдан гарсан. Энэ тогтоол гарсантай холбогдуулан “Улсын бүртгэлийн үйлчилгээний хөлсний хэмжээг тогтоох тухай” Засгийн газрын 2010 оны есдүгээр дүгээр сарын 15-ны өдрийн 237 дугаар тогтоолыг хүчингүй болсонд тооцжээ.

“Улсын бүртгэлийн үйлчилгээний хөлсний хэмжээг шинэчлэн тогтоох тухай” 230 дугаар тогтоолыг 2021 оны долдугаар сарын 1-ний өдрөөс эхлэн дагаж мөрдөнө.