Энэ сарын 25-ны өдөр Булган-Хархорин чиглэлийн 110 кВ-ын шугамд гарсан гэмтлийг бүрэн устгаж, цахилгаан эрчим хүчинд холболоо.

Тодруулбал, Цахилгаан дамжуулах үндэсний сүлжээ ТӨХК-ийн 5 салбарын 150 гаруй инженер техникийн ажилтан, 40 орчим техник хэрэгсэлтэйгээр энэ сарын 26-ны өдрөөс эхлэн 4 хоногийн турш 24 цагаар шуурхай ажиллан, гэмтлийг бүрэн устган зургаадугаар 29-ний өдрийн 20 цаг 24 минутад хязгаарлагдаад байсан хэрэглэгчдийг цахилгаан эрчим хүчинд холболоо.

Тус гэмтлээс үүдэж Архангай, Өвөрхангай, Баянхонгор, Булган, Төв, Дундговь, Өмнөговь аймгуудын 82 сум цахилгаан эрчим хүчээр хязгаарлагдаад байсан юм гэж Эрчим хүчний яамнаас мэдээллээ.