Засгийн газрын өнөөдрийн ээлжит бус хуралдаанаар “Хилийн боомтын онцгой бүрэн эрхэт захиргаа” улсын төсөвт үйлдвэрийн газрыг байгууллаа.

Энэхүү улсын төсөвт үйлдвэрийн газар нь ашигт малтмал, газрын тосны экспорт, гадаад худалдааны эргэлтийг нэмэгдүүлэх зорилгоор хилийн боомтын хяналт, хил дамнасан тээврийн зохицуулалт, халдвар хамгаалал, аюулгүйн байдлын чиглэлээр хууль сахиулах болон хилийн хяналтын байгууллагууд, орон нутгийн засаг захиргааны ажлын уялдаа холбоог нэгдсэн удирдлага, зохицуулалтаар хангах чиг үүргийг гүйцэтгэх юм.