Эрчимтэй өсөөд байсан төмрийн хүдрийн үнэ эргэн буурч эхэллээ. Баасан гарагийн арилжаагаар Далянийн Таваарын биржид төмрийн хүдрийн фьючерс үнэ 8.8 хувиар буурч, тонн нь 1156 юань болоод байна.

БНХАУ түүхий эдүүдийн үнийн өсөлтийг хязгаарлах арга хэмжээ авч эхэлсэн аж. Тухайлбал: биржүүд арилжаанд оролцогчдоос авах шимтгэлийг нэмээд байгаа юм. БНХАУ-д эрэлт өсөхтэй зэрэгцээд оны эхний улиралд томоохон олборлогч компаниудын гарц буурсан нь үнэд өсөхөд нөлөөлсөн байна.