"Нүүрсний" гэх тодотголтой Т.Аюурсайхан нарын 11 хүнд холбогдох хэргийн шүүх хурлын үеэр шүүгдэгч Х.Ганхуяг ерөнхий шүүгчээс татгалзах санал гаргалаа.
Тэрээр "Анх 2022 оны арванхоёрдугаар сарын 8-ны өдөр намайг цагдан хорьсон. Прокурорын тогтоолд баривчлах болсон шалтгааныг жагсаал цуглаан зохион байгуулсан, турхирсан, санхүүжүүлсэн гэж хорьсон ч, есөн сарын хугацаанд надаас нэг ч мэдүүлэг аваагүй. Өнгөрсөн хугацаанд надтай холбоотой шүүгчийн 19 захирамж гаргасан. Үүний 9-ийг нь Ерөнхий шүүгч н.Халиун гаргасан. Яллагдагчийн эрхийг дордуулсан олон захирамжийг ерөнхий шүүгч гаргаад байна. Би ерөнхий шүүгчийг АТГ-ын шууд даалгавраар ажиллаж байгаа гэж бодож байна. Тиймээс би шүүгчээс татгалзаж байна. Учир нь захирамжууд дээр зайлшгүй саатуулах эрх зүйн үндэслэлийг дурдаагүй" гэлээ.
