Өнгөрсөн оны аравдугаар сард Хөдөлмөр, нийгмийн хамгааллын сайдаар томилогдсон Т.Аюурсайхан  албан тушаалаасаа чөлөөлөгдөх хүсэлтээ дөрвөн сарын дараа гаргасан. Тэгвэл өнгөрсөн долоо хоногт болсон УИХ-ын чуулганы хуралдааны нээлтийн дараах хаалттай хуралдааны үеэр Ерөнхий сайд түүнийг чөлөөлөх асуудлыг танилцуулсан байна. Ингэснээр Т.Аюурсайханыг Хөдөлмөр, нийгмийн хамгааллын сайдаас чөлөөлөх захирамж баталгаажсан аж. 

Сайдыг чөлөөлснөөс хойш 14 хоногийн дараа шинэ сайдын нэрийг оруулж ирэх хуультай. Тиймээс дараа долоо хоногийн УИХ-ын чуулганд шинэ сайдыг танилцуулахаар болжээ.