УИХ дахь Ардчилсан намын бүлгээс өнөөдөр   Ковид-19 цар тахлын үеэр Засгийн газраас хэрэгжүүлсэн төсөл хөтөлбөрийн санхүүгийн зарцуулалтыг ил болгох ерөнхий хяналтын сонсгол зохион байгуулахаар товлосон ч,  хойшлууллаа.

Сонсголыг удирдахаар томилогдсон байсан УИХ дахь Ардчилсан намын бүлгийн дарга О.Цогтгэрэл “Ажлын хэсгийн хэдэн гишүүн суугаад энэ асуудлыг хэлэлцэх боломжгүй. Төрийн албанаас ирүүлж байгаа мэдээлэл хэт ерөнхий, сонсгол зохион байгуулсан нэр зүүгээд л өнгөрөх төдий мэдээлэл ирүүлсэн гэдгийг онцлов. Тэрээр  Ковид-19 цар тахлын үеэр тендер зарлахгүйгээр худалдан авалт хийж, хамгаалах хэрэгсэлийг хэрэгцээнээс хэтрүүлэн, шаардлагагүй худалдан авалт хийсэн,  төсөв мөнгөний асуудал хариуцсан 4-5 хүн хувьдаа хаус авсан гэх мэдээллийг тодруулах  шаардлагатай гэж үзлээ гэдгийг хэлж байна.