Засгийн газрын ээлжит хуралдаанаар зарим томилгоотой холбоотой асуудлыг хэлэлцжээ. Тодруулбал, Соёлын Дэд сайд М.Батбаярыг Хөшгийн хөндийн бүтээн байгуулалтын ажил хариуцсан захиргааны дарга н.Оюунхоролын оронд томилсон бол “ТВ-9” телевизийн ТУЗ-ийн дарга П.Баттөрийг Соёлын дэд сайдаар томиллоо.

Мөн УУХҮ-ийн дэд сайд О.Цэндсүрэнг чөлөөлж, оронд нь сайд Ж.Ганбаатарын зөвлөх Б.Уянгыг дэд сайдаар томилсон байна.

ГХЯ-ны Төрийн нарийн бичгийн дарга Н.Анхбаярыг үүрэгт ажлаас нь чөлөөлж, түүнийг НҮБ-ын байнгын төлөөлөгчөөр томилохыг Засгийн газраас дэмжсэн байна.