Монгол түмний уламжлалт сар шинийн баярын босгон дээр Улсын хошой аварга малчин өрхөөр шалгарсан Төв аймгийн Баянжаргалан сумын малчин Чимэд-Очирын Цэрэндаваагийн гэр бүлд шагналыг нь УИХ-ын Байгаль орчин, хүнс, хөдөө аж ахуйн байнгын хорооны дарга, УИХ-ын гишүүн Ж.Батжаргал  хүндэтгэн гардуулан өглөө.

Улсын аварга малчин Ч.Цэрэндаваа нь 36 жил мал маллаж, эрдэнэт мал сүргээ 5 төрөлд өсгөн үржүүлэн, ашиг шимийг нь нэмэгдүүлж, сүүлийн 3 жилд 720 малаар залуу малчдыг малжуулан, арга ухаанаа зааж сургаж, хөдөө аж ахуйн салбар, орон нутгийнхаа хөгжилд үнэтэй хувь нэмрээ оруулан ажиллаж байна