Урин дулаан цаг ирж байгаатай холбогдон шар усны үер буух нөхцөл бүрдэж байна. 

Шар усны үерийн ус нь ойр орчмынхоо бохирыг тээвэрлэн урсдаг тул түүгээр олон төрлийн халдварт өвчин үүсгэгч нян зөөгдөх магадлал өндөр байдаг.

Мөн шар усны бохир ус агаарт тодорхой хэмжээгээр уурших, эсвэл хөрсөнд шингэснээр орчны бохирдлыг бий болгодог. 

Орчны (ус, хөрсний) бохирдол нь шууд бус замаар хүний эрүүл мэндэд нөлөөлөх эрсдэлтэй. 

Ялангуяа халдварт шар, суулга өвчин, амьсгалын замын болон харшлын гаралтай өвчин тусах нөхцлийг бүрдүүлдэг.

Иймд гэр хорооллын нүхэн жорлонгуудыг халдваргүйтгэх, гарыг тогтмол угаах зэргээр аливаа халдварт өвчлөлөөс өөрийгөө болон гэр бүлээ хамгаалахыг зөвлөж байна.