Өнөөдөр 06:27 цагийн орчим төмөр замын Ерөө-Орхон өртөөний хаалттай гарам дээр шороо ачсан хүнд даацын "Хово" маркийн автомашин ачааны галт тэрэгтэй мөргөлджээ.

Үүний улмаас 6 галт тэрэг замаас гарч онхолдсон, төмөр зам эвдэрсэн ноцтой осол гарчээ. 

Ослын улмаас Сүхбаатар өртөөнөөс ирж, очих галт тэрэгний хөдөлгөөн хаагдсан, зорчигчдын тасалбарыг буцаах зэрэг зохицуулалтыг хийж байна.

Мөн УБТЗ-ын Удирдах газраас сэргээн босгох яаралтай баг илгээжээ.

Хохирлыг богино хугацаанд арилгаж, хөдөлгөөнийг шуурхай нээхээр ажиллаж байна.

2024 он гарсаар галт тэрэг автомашинтай мөргөлдсөн 7 осол бүртгэгджээ.