Зургаадугаар сарын 3-ны өдрийн байдлаар Монгол орны томоохон голуудын усны түвшин өмнөх өдрийнхөөс өөрчлөлт багатай байгаа хэдий ч Хэнтий нуруунаас эхтэй Онон гол Дадал сум ормоор, Алтай нуруунаас эхтэй Ховд гол Мянгад сум үерийн түвшинг 15-20 см давсан байна.

Энэ сарын 04-нд баруун аймгуудын ихэнх нутаг, төв болон зүүн аймгуудын нутгийн зарим газар, говийн аймгуудын нутгийн зүүн өмнөд хэсгээр бороо, дуу цахилгаантай аадар бороо орно. Иймд голуудын сав дагуу нутаглаж буй малчид, тариаланчид, аж ахуйн нэгж байгууллага, ард иргэдийг үерийн аюулаас сонор сэрэмжтэй байхыг онцгойлон анхааруулж байна.