Алтай-Ховд чиглэлийн улсын чанартай авто зам дагуу "Алтай" төлбөр авах цэгийг 2024 оны тавдугаар сарын 31-ний өдрөөс байнгын ашиглалтад хүлээн авч үйл ажиллагааг нь эхлүүлжээ.

Ингэснээр авто замын өдөр тутмын завсар арчлалтыг сайжруулж, эвдрэл, гэмтлийг шуурхай засварлаж иргэдийг ая тухтай, аюулгүй зорчуулна.

Булган хилийн боомтоос Цагааннуур хилийн боомт хүртэл хийгдэж буй транзит тээвэр, авто пүүгээр дамжуулан хүнд даацын тээвэрлэлтэд тавигдах хяналт сайжрах ач холбогдолтой гэж үзэж байна.