Ойрын өдрүүдэд Улаанбаатар хотод усархаг, аадар бороо орох тул цахилгаанаас үүдэлтэй болзошгүй эрсдэлээс сэрэмжлүүлж байна.

- Энэ сарын 19-20 буюу Лхагваас Пүрэв гарагт шилжих шөнө Хөвсгөл, Архангай, Булганы нутгаар,

- Пүрэв гарагийн өглөө Архангай, Булган, Төвийн нутгаар,

- Пүрэв гарагт өдөртөө Улаанбаатар хот орчимд болон Төв, Сэлэнгэ, Хэнтийн нутгаар; (мөн Дундговийн зарим сумдын нутаг),

- Пүрэв гарагаас Баасанд шилжих шөнө Төв, Сэлэнгэ, Хэнтий, Дорнодын нутгаар,

- Баасан гарагт Сэлэнгэ, Төв, Хэнтий, Дорнод, Дорноговь аймгийн нутгаар их хэмжээний усархаг аадар орох, Улаанбаатар, Булган, Сэлэнгэ, Хэнтий, Дорнодын зарим сумдын нутгаар, уулын ам гуу жалга бүхий газраар гэнэт орж буй борооны улмаас богино хугацааны хүчтэй үер буух эрсдэл өндөр байгааг онцгойлон анхааруулж байна.