2024   оны УИХ-ын ээлжит сонгуулийн үр дүнгээр МАН УИХ-д 68 суудал авснаар Засгийн газраа байгуулах боломжтой болсон. Харин тус намын Удирдах зөвлөлийн хурлаар УИХ-д суудалтай АН, ХҮН намтай хамтарсан Засгийн газар байгуулах чиглэлд зөвшилцөх МАН-ыг дарга Л.Оюун-Эрдэнээр ахлуулсан  ажлын хэсгийг байгуулж, хэлцэл үргэлжилж байна. 

Олонхын санал авсан МАН -тай хамтарсан Засгийн газар байгуулах асуудлаар өнөөдөр /2024.07.04/ Төрийн ордонд Ардчилсан намын Улс төрийн зөвлөл хуралдаж,  Монгол Ардын намтай хамтарсан Засгийн газарт орж ажиллах байр сууринд санал нэгджээ. Энэ удаагийн АН-ын Улс төрийн зөвлөлийн хуралд 46 гишүүн оролцсоноос 32 нь хамтарсан ЗГ-т орж ажиллахыг дэмжсэн байна.