Засгийн газар 2025 оныг "Залуучуудын жил" болгож байгаатай холбогдуулан судалгаагаар хамгийн өндөрт эрэмбэлэгдсэн Үндэсний орон сууцжуулалтын хороог Монгол Улсын Ерөнхий сайд Л.Оюун-Эрдэнэ ахлахаар болсон байна.
Өнгөрсөн хугацаанд аялал жуулчлал болон боомтын сэргэлтийн асуудлыг төр, хөрөнгө оруулагчид, хувийн хэвшил, иргэдийн төлөөлөл хамтарч томоохон реформ хийснээр эдийн засаг сүүлийн 3 жилд 3 дахин тэлсэн гэдгийг Ерөнхий сайд онцолсон байна.
Тэрбээр эдийн засгийн өсөлтийг хүртээмжтэй болгохын тулд Үндэсний орон сууцжуулалтын асуудлыг нэг салбар биш, салбар дамнасан цогц асуудал хэмээн үзэж байна.
Залуучууд, эрдэмтэн, судлаачид, хувийн хэвшлийнхэн, олон улсын байгууллагуудыг идэвхтэй хамтран ажиллаж том реформд нэгдэнэ гэдэгт итгэж байна гэдгээ Ерөнхий сайд пэйж хуудсаараа илэрхийлжээ.
