ДХИС-ийн Онцгой байдлын сургуулийн 621 дүгээр дамжааны сонсогч Т.Энх-Амгалан БНСУ-ын Сечон хотноо зохион байгуулагдсан “Зүүн Азийн аварга шалгаруулах хүндийн өргөлтийн тэмцээн”-ийн огцом өргөлтийн төрөлд мөнгө, түлхэлттэй өргөлтийн төрөлд хүрэл медалийг тус тус хүртлээ.

Тэрбээр 2019 оны Хүүхдийн спортын их наадмаас хүрэл, 2021, 2022 оны Өсвөрийн аварга шалгаруулах тэмцээнээс тус бүр алт, 2022 оны Залуучуудын аварга шалгаруулах тэмцээнээс мөнгө, 2023 оны Залуучуудын аварга шалгаруулах тэмцээнээс алтан медаль хүртэж байжээ.