Эцэг, эх, асран хамгаалагч та бүхэн бэлэг сонгохдоо хүүхдийн эрүүл мэндэд сөргөөр нөлөөлөхгүй, үйлдвэрлэсэн газар, хадгалах хугацааг, сав баглаа боодлын бүрэн бүтэн байдлыг шалгах, худалдан авалт хийхдээ хүүхдийн хөгжлийг дэмжсэн бэлэг сонгохыг зөвлөж байна. 

Хүүхдэд зориулсан бүтээгдэхүүн үйлчилгээ үзүүлдэг аж ахуйн нэгж, байгууллагууд хүүхдэд зориулсан бүтээгдэхүүн, үйлчилгээний багцдаа эрүүл мэнд, гоо сайхны бүтээгдэхүүн, хүүхдийн кино, жүжгийн тасалбар гэх мэт олон төрлийн үзвэр үйлчилгээний эрх бэлэглэн хүүхдийн эрүүл мэндийг хамгаалахад хувь нэмрээ оруулахыг уриалж байна. 

Хүнсний худалдаа эрхлэгч байгууллага, дэлгүүрүүдэд хүүхдэд зориулсан бэлгийн багц бэлтгэхдээ бүтээгдэхүүний орц найрлага, хадгалах хугацааг сайтар нягтлах, чихрийн агуулга багатай сүү сүүн бүтээгдэхүүн, жимс жимсгэнэ, хүүхдийн сэтгэхүйг хөгжүүлэх тоглоом, ном, зургийн хэрэгсэл, тэмдэглэлийн дэвтэр гэх мэт хүүхдэд ээлтэй бэлэг бэлтгэхийг зөвлөж байна. 

Бяцхан үрсээ баярлуулах шинэ жилийн бэлэг бэлдэхдээ хүүхдэд ээлтэй, эрүүл бэлэг сонгохыг Боловсролын ерөнхий газраас уриалжээ.