Улсдаа 2023 онд 2 их наядын татвар төлсөн “Эрдэнэт үйлдвэр” ТӨҮГ даацын өөрөө буулгагч КОМАЦУ маркийн 10 автомашиныг ашиглалтад өнөөдөр (2024.12.13) хүлээн авч, ажлын бүтээмжээ нэмэгдүүлсэн байна.
Уул уурхай, зам, барилгын тоног төхөөрөмжийн үйлдвэрлэлээр дэлхийд тэргүүлэгч “Комацу” фирмийн өөрөө буулгагч эдгээр автомашин нь 142 тонны даацтай, уулын ажлын бүтээл өндөртэй, ашиглалтын зардал багатай, операторын тав тух, аюулгүй байдлыг хангасан, эргэн тойрноо бүрэн харах камер болон радартай, тоног төхөөрөмжийн даацын болон техникийн бусад мэдээллийг хиймэл дагуулын хяналтын системээр дамжуулдаг мэдээллийн технологи бүхий орчин үеийн техник юм.
Эдгээр хүнд даацын өөрөө буулгагч автомашинууд дээр ажиллах операторуудыг “Трансвест Монголиа” компаниас зохион байгуулсан танхим болон практик хослуулан сургалтад бүрэн хамруулж, мэргэшүүлсэн байна.
