Цэрэгт татагдсан залуус цэргийн мэдлэгээс гадна англи хэл, компьютерийн анхан шатны мэдлэгтэй болж, жолооны сургалтад хамрагдан, цэргээс халагдахдаа бүгд жолооны үнэмлэхтэй гэртээ харих боломж бүрдэж байна.

Мөн хугацаат цэргийн алба хаагчдыг цэргийн эрдмээс гадна эрэлттэй мэргэжил буюу арматурчин, өрлөгчин, мужаан, гагнуурчин, ойчин, машин механизмын оператор, жолооч мэргэжлээр сонголттой суралцуулж мэргэжлийн үнэмлэхтэй төгсгөдөг болох юм.

Түүнчлэн өөрсдийнх нь хүсэлтээр дроны сургалтад хамруулна.

Цаашид зэвсэгт хүчинд ажиллах сонирхолтой алба хаагчдыг сонгон шалгаруулж нисгэгчгүй нисэх хэрэгслийг хөгжүүлэх, удирдах чиглэлээр гадаад, дотоодын их дээд сургуульд суралцуулах бодлого гарган хэрэгжүүлж эхлээд байна.