Нийслэлийн хэмжээнд 2024 онд нийт 62 байршилд 137.1 км авто замыг бүрэн шинэчилж, 2025 онд давхар замууд барих бэлтгэлийг хийлээ.

2024 онд шинэчилсэн нийт авто зам нь сүүлийн 10 жилд шинэчилсэн авто замын дундажтай харьцуулахад 10 дахин урт байгаа юм.

Тухайлбал, 2021 онд нийт 14 байршилд 12.9 км, 2022 онд 12 байршилд 15 км, 2023 онд 13 байршилд 18.5 км урт замыг шинэчилжээ.

Авто замын ажлын хүрээнд суурь асфальт бетон хучилт хийх, худгийн таг өндөрлөх, шинээр ус зайлуулагч хийх, хашлага солих зэрэг ажлыг мөн гүйцэтгэдэг.