Хөвсгөл аймгийн 20 суманд бяслагийн үйлдвэр байгуулна.

Тус аймагт 2021 оноос хойш улсын төсвөөс 10 гаруй тэрбум төгрөг зарцуулж бяслагийн үйлдвэр барьж эхэлсэн. Одоогоор 8 үйлдвэрийг ашиглалтад оруулахад бэлэн болжээ.

Нэг үйлдвэрийг 700-800 сая төгрөгийн өртгөөр байгуулж байна. Цаашдаа бусад аймаг, сумдад ч ийм үйлдвэрүүд барьж байгуулна. Эдгээр үйлдвэрийг тухайн орон нутгийн хамгийн шилдэг хоршоод эзэмшинэ гэж УИХ-ын гишүүн Ц.Даваасүрэн хэллээ.

Цэвэр сүүний 100 хувь эко бяслаг үйлдвэрлэх боломжтой манай улс одоогоор зах зээл дэх нийт бяслагийнхаа 10 орчим хувийг л дотооддоо үйлдвэрлэж эхлээд байна.

Цаашид энэ хувь хэмжээг жил бүр нэмэгдүүлэхээр зорьж байна.