Нийтийн тээврийн үйлчилгээ үзүүлдэг байсан 23 троллейбусыг 2025 оны нэгдүгээр сарын 1-нээс бүрэн зогсоожээ.

Учир нь үйлчилгээнд явж байсан троллейбусны насжилт нь дууссан байна. 

2025 оны төсөвт нэмэлтээр их багтаамжийн нийтийн тээвэр болон троллейбус авах саналаа Нийтийн тээврийн газраас хүргүүлсэн байна.

Нийтийн тээврийн үйлчилгээний хүртээмжийг нэмэгдүүлэх зорилгоор их багтаамжийн 100 автобус, 50 троллейбус авахаар төлөвлөж төсөвт санал хүргүүлсэн гэж Нийтийн тээврийн бодлогын газраас мэдээллээ. 

2025 оны нэгдүгээр сарын 6-ны өдрийн 09:00 цагийн байдлаар нийтийн тээврийн 1087 автобус иргэдэд үйлчилж байна.