Увс аймгийн төвөөс баруун урд зүгт 120 км, сумын төвөөс хойд зүгт 50 км-т Завхан сумын 3 дугаар багийн нутагт “Хяргас” нуурын мөс цөмөрч суудлын автомашин суужээ.

Тухайн дуудлагыг нэгдүгээр сарын 6-ны өдрийн 00:00 цагт Онцгой байдлын газарт мэдээлжээ.

Тодруулбал, Увс аймгийн Онцгой байдлын газрын 41 дүгээр ангийн алба хаагчдыг очиход иргэн Б-гийн эзэмшлийн “Prius-20” загварын суудлын автомашин, мөн иргэн С-ийн эзэмшлийн “Sonata-6” загварын суудлын автомашин нуурын мөсөнд цөмөрч орсон байсныг 09 цаг 10 минут ажиллан татан гаргаж, хүлээлгэн өгсөн гэж мэдээллээ.