Аж үйлдвэржилтийн бодлогын байнгын хорооны гишүүд Аж үйлдвэр, эрдэс баялгийн яаманд ажиллав
Тус уулзалтаар АҮЭБ-ийн сайд Ц.Туваан төрөөс үйлдвэрлэл, технологийн паркийн талаар баримталж буй бодлого, түүний хэрэгжилтийн талаар танилцуулав. Мөн “Эрдэнэс Монгол” ХХК-ийн дэргэдэх “Эрдэнэс” үйлдвэрлэл, технологийн паркийн хэрэгжүүлж буй төрийн өмчит үйлдвэрлэл, технологийн зургаан паркийн танилцуулга, хувийн өмчит үйлдвэрлэл, технологийн парк болох Дорноговь аймгийн Алтанширээ сумын нутагт хэрэгжиж буй “Алтан ширээт” үйлдвэрлэл, технологийн парк, орон нутгийн өмчит үйлдвэрлэл, технологийн парк болох Налайхын барилгын материалын үйлдвэрлэл, технологийн паркийн төлөөллүүд өөрсдийн ҮТП-ийн үйл ажиллагаа, бүтээн байгуулалтын явцын талаар танилцууллаа.
Монгол Улсын Засгийн газрын 2024-2028 оны үйл ажиллагааны хөтөлбөрт 14 мега төслийг хэрэгжүүлэхээр тусгасан бөгөөд үүний долоон төсөл нь АҮЭБЯ-д хамаардаг. Засгийн газрын хуралдаанаар хөтөлбөрт тусгагдсан нүүрс-хими, кокс-химийн цогцолбор, гангийн цогцолбор, зэс боловсруулах цогцолборын байршлыг тогтоож, төслийн ажлыг эрчимжүүлэх албан даалгаврыг гаргасан.
Улс орны нийгэм, эдийн засгийг хөгжүүлэх, импортыг орлох бүтээгдэхүүн үйлдвэрлэх, эдийн засгийн өрсөлдөх чадварыг дээшлүүлэх, үндэсний хэмжээний төсөл, хөтөлбөрийг хэрэгжүүлэхэд Аж үйлдвэрийн паркийн үйл ажиллагааг эрчимжүүлэх шаардлагатай гэдгийг байнгын хорооны гишүүд онцолж, цаашдаа харилцан уялдаа холбоогоо сайжруулж, үүсээд байгаа хүндрэл бэрхшээлийг хамтран шийдвэрлэх, нэгдсэн бодлого, удирдлага чиглэлээр хангаж, дэмжиж хамтран ажиллах болно гэлээ.
Бусад мэдээ
Б.Жавхлан: Гадаад валютын улсын нөөц таван тэрбум ам.долларт хүрлээ
Мэдээ
“Эрдэнэс Тавантолгой”-н 2024 оны үлдсэн ногдол ашгийг энэ сард олгоно
Мэдээ
2026 оныг “Боловсролыг дэмжих жил” болголоо
Мэдээ
Байгалийн хийн хоолой барих төслийн байгаль орчинд нөлөөлөх байдлын үнэлгээг энэ оны гуравдугаар улиралд хийнэ
Мэдээ
Сэтгэгдэл
(0)
АНХААРУУЛГА: Уншигчдын бичсэн сэтгэгдэлд M21.mn хариуцлага хүлээхгүй болно. Манай сайт ХХЗХ-ны журмын дагуу зүй
зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ
зөрчсөн сэтгэгдлийг админ устгах эрхтэй.
