Хөвсгөл аймаг "Сувилагч бэлтгэх хөтөлбөр" хэрэгжүүлнэ. Ингэснээр бага эмч, эх баригч мэргэжлээр төгссөн мэргэжилтнүүд богино хугацаанд сувилагч мэргэжил эзэмших юм.

Мөн Элсэлтийн шалгалтад тэнцэж, тухайн сургуулийн шалгуур хангасан оюутнууд сувилагч мэргэжлээр дэд бакалавр болон бакалаврын боловсрол эзэмшиж, орон нутагтаа ажлын байртай болно.

Хөвсгөл аймгийн Эрүүл мэндийн байгууллагад төр, хувийн хэвшлийн нийт 1700 гаруй эмч, мэргэжилтэн ажиллаж байна.

Эмч, сувилагчийн харьцаа 1:2 байх стандарттай боловч тус аймаг энэ шаардлагад хүрдэггүй аж.

Улсын дундаж хэмжээнээс 7 хувиар бага гэсэн судалгаа гарчээ.