БНХАУ-ын Харбин хотноо Азийн өвлийн спортын IX наадам зургаа дахь өдрөө болж, Монголын уулын цана, кёрлинг, гүйлтийн тэшүүр, шорт трейкийн тамирчид тэмцээнээ өндөрлүүлсэн бол үлдсэн өдрүүдэд гүйлтийн цана, биатлоны буухиа төрөл, уран гулгалтын тамирчид өрсөлдөнө.
Тус наадмын хүрээнд “Харбин-2025”-ы оролцогчдыг “HIC” хэмээх “Мөсөн хот”-той танилцуулсан нь хамрагдсан хүн бүрт мартагдахааргүй дурсамж, тус нутгийн эдийн засгийн хөгжилд чухал түлхэж болж буй нь лавтай.
Өнгөрсөн жил 179 сая гадаад, дотоодын жуулчин хүлээн авч, аялал жуулчлалын салбартаа 31.75 тэрбум ам.долларын ашиг оруулсан гэх мэдээлэл байна. Гиннесийн номонд бүртгэсэн энэ парк нь нэг сая квардрат метр талбайд байгуулсан, мөсөн баримал ирж үзэх жуулчдын тоо жилээс жилд өснө. Энэ жил Азийн өвлийн наадамд зориулан Ази тивийн орнуудын онцлох байгууламжуудыг цас, мөсөөр урлажээ.
“Мөсөн хот”-ын сонирхолтой үзмэрээс сонирхуулбал, Монголын дөрвөн барималчийн бүтээл, эмэгтэй хүний гоо үзэсгэлэнг хийлийн аялгуутай холбож, үүгээрээ мөрөөдөл болон бодит байдлын хоорондын харицаа холбоог дүрслэн харуулж. Энэ баримал нь олон улсын мөсөн урлалын наадмаас шагнал хүртсэн онцгой бүтээл юм.
Мөн Ази тивийн 34 орны онцгой барилга, байгууламжийг урласан бол Монгол Улсын Төрийн ордныг харуулсан бүтээл бас байна.
Түүнчлэн “Харбин-2025” Азийн өвлийн спортын наадмын Галт бамбарыг энд асаасан бөгөөд наадам эхлэхээс өндөрлөх хүртэл асаалттай байлгаж, төрийн хүндэт харуулууд сахин хамгаалах аж.
