Монголчууд улирлаас хамаараад хоол ундаа өөрчлөх учиртай. Өвөл хүнд хоол иддэг бол хавар хоолоо хөнгөрүүлэх ёстой. Гэтэл одоо бид өвөл иддэг хоолоо хавар идэж байгаа нь буруу юм.
Хавар хүний арьсны нүх сүв онгойж, дотор дулаан гадагшилдаг. Ингэснээр ходоодны шингээлт муудаж, өвөл иддэг хүнд хоолоо шингээж чадахаа больдог. Ходоодны галын илч доройтсоноос хоолны шингээлт мууддаг учраас галын илчийг сайжруулахын тулд хавар заавал бөөлжүүлэг хийх учиртай. Бөөлжүүлэг гэдэг нь ходоод угаана гэсэн үг. Ходоодыг угааж байж ходоодны бадган салсыг арилгаж, хоолны шингээлтийг сайжруулна.
Өвөл мах иднэ, хавар тариа будаа, зун цагаан идээ, намар жимс ногоо гээд байгаль дэлхий дээр гарч байгаа хоол хүнсийг тухайн цаг үед нь л түлхүү хэрэглэх ёстой. Намар гүүний саам гардаг нь туулгах учиртайг зааж байгаа хэрэг. Бөөлжүүлэг заслын тухайд ходоодыг хамгаалах зорилготойгоор эрүүл хүн жилд нэг удаа хийлгэх учиртай. Гэхдээ одоо бид байнга цатгалан, ходоод байнгын ажиллагаатай байгаа болохоор хаврын сардаа гурван удаа бөөлжүүлэг хийлгэвэл зохино гэж боддог.
Манба Дацан нэгдсэн эмнэлэг
