УИХ дахь МАН-ын бүлгийн өнөөдөр /2023.06.12/ хуралдаанаар Монгол Улсын 2023 оны төсвийн тодотгол, Монгол Улсын Их Хурлын сонгуулийн тухай хуулийн нэмэлт, өөрчлөлтийн төслийг хэлэлцсэн байна.

Засгийн газраас өнгөрсөн долоо хоногт 2023 оны Төсвийн тодотголыг өргөн барьж, УИХ-аар анхны хэлэлцүүлгийг хийсэн. Төсвийн тодотголыг дагаж 2023 оны төсвийн хүрээний мэдэгдэл, 7 хууль, 2 тогтоолд нэмэлт өөрчлөлт оруулж батална. Төсвийн хуулийг долдугаар сарын 1-нээс дагаж мөрдөх учраас яаралтай горимоор хэлэлцэх юм.

УИХ-д суудалтай эмэгтэй гишүүд 40 хувь болгох саналыг байнгын хорооны хуралдаанд гаргасан нь дэмжигдээгүй ч УИХ-ын чуулганы хуралдаанаар дэмжсэн. Иймээс дээрх асуудлыг бүлгийн хуралдаанаар хэлэлцэж, анх өргөн барьсан 30 хувиас доошгүй байна гэж хуулийн төсөлд тусгасан заалтыг олонх нь дэмжлээ. Цаашид эмэгтэйчүүдийн квотыг шат дараатай нэмэгдүүлэх нь зүйтэй гэж үзсэн.

Харин нам эвслийн нэрийн жагсаалтад орох 48 хүнийг 1:1 зарчмыг хэвээр хадгалахаар намын бүлэг санал нэгдлээ.