Japan Airlines компанийн анхны нислэгээр 128 Япон жуулчин Монгол Улсад ирлээ
Japan Airlines(JAL) компанийн Токио-Улаанбаатар чиглэлийн анхны нислэг энэ сарын 24-ний өдөр Чингис хаан Олон улсын нисэх буудалд буулаа.
Монгол Улсын засгийн газраас 2023-2025 оныг “Монголд зочлох жил” болгон зарласантай холбогдуулан нислэгийн давтамжийг нэмэгдүүлэх, шинэ чиглэл, шууд нислэгүүдийг нээх хэлэлцээрүүдийг улс орнуудтай хийж байна. Энэ хүрээнд олон улсын шилдэг авиа компаниудын нэг Japan Airlines(JAL) Монгол Улсад анхны нислэгээ хийлээ.
"Чингис хаан нисэх буудал бол Монгол, Япон хоорондын энх тайвны бэлгэдэл, хоёр улсын хамтын бүтээн байгуулалтаар бий болсон шинэ нисэх буудал. Энэ нисэх буудалд Японы томоохон авиа компани нислэг үйлдэж байгаа нь өөрөө ихээхэн давуу тал бөгөөд олон улсад хүрээгээ тэлэх эхлэх гэж харж байна” хэмээн “Чингис хаан” ОУНБ-ын газрын үйлчилгээний дарга Ямазава Ёшиюки хэллээ.
Токио-Улаанбаатар чиглэлийн дараагийн нислэг энэ сарын 28-нд бууна. Нислэгийн тоог нэмэх, Японоос ирэх жуулчдад мэдээ, мэдээлэл өгөх ажлыг зохион байгуулах бөгөөд ирсэн жуулчдад эерэг сэтгэгдэл төрүүлэн угтах, үдэх ажлыг бүх л шатанд зохион байгуулан хамтран ажиллахад анхаарч байна.
Эх сурвалж: БОАЖЯ
Бусад мэдээ
Дарь-Эх орчмыг дэд бүтцийн сүлжээнд бага зардлаар холбох боломжтой
Мэдээ
О.Номинчимэг: Нийслэлийн 2024 оны төсвийн тодотголд 11 сургууль, цэцэрлэг барих төсвийг тусгасан
Мэдээ
Нийслэлийн 2024 оны төсвийн тодотголд метроны төслийг санхүүжүүлэх, боловсролын хүртээмжийг нэмэгдүүлэхээр тусгалаа
Мэдээ
"УБТЗ" ХНН: Тяньжин боомтод байгаа импортын чингэлгийг татан авах ажлыг шуурхай зохион байгуулж байна
Мэдээ
Сэтгэгдэл
(0)
АНХААРУУЛГА: Уншигчдын бичсэн сэтгэгдэлд M21.mn хариуцлага хүлээхгүй болно. Манай сайт ХХЗХ-ны журмын дагуу зүй
зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ
зөрчсөн сэтгэгдлийг админ устгах эрхтэй.
