ХХААХҮЯ  махын экспортын нэмэгдүүлэхээр ажиллаж байна.
Тодруулбал БНХАУ-ын  нэг тэрбум долларын хөнгөлттэй зээлийн хөрөнгөөр Дорнод, Булган, Ховд, Архангай аймагт өдөрт 1000 бог, 200 бод мал боловсруулах хүчин чадалтай үйлдвэр байгуулж, махны экспортыг нэмэгдүүлэх чиглэлээр ажиллаж байна. Урьдчилсан байдлаар 78 сая долларын ТЭЗҮ гарч байна.

Үйлдвэр байгуулснаар арьс шир боловсруулах үйлдвэрлэлд технологийн шаардлага хангасан түүхий эдийг бэлтгэхэд дэвшил гарч, малчдын орлого нэмэгдэж, жилд 35 мянган тонн мах экспортод гаргадаг байсан бол тус дөрвөн үйлдвэр ашиглалтад орсноор 22 мянган тонноор нэмэгдэх тооцоо гарсан аж.

Энэ онд бэлтгэл хангаж, ирэх онд бүтээн байгуулалтын ажлыг эхлүүлж, үйлдвэрийг 1.2 жилд барьж, хүлээлгэн өгөхөөр ТЭЗҮ-д тусгасан байна.