“Намрын ногоон өдрүүд-Үндэсний үйлдвэрлэл-2022”   үзэсгэлэн худалдаа 16 дах  жилдээ есдүгээр сарын 18-25-ны  өдрүүдэд Төв цэнгэлдэх хүрээлэнд болно.

Тус үзэсгэлэн худалдааг Хүнс хөдөө аж ахуй хөнгөн үйлдвэрийн яамнаас зохион байгуулж, 21 аймаг, 9 дүүргийн 500 гаруй үндэсний үйлдэрлэгч, тариаланчид, ногоочид,  аж ахуй эрхлэгчид оролцож бүтэн жилийнхээ хөдөлмөрийн үр шимийг шингээсэн органик бүтээгдэхүүнээ танилцуулж,  худалдаалах юм.

 “Намрын ногоон өдрүүд-Үндэсний үйлдвэрлэл-2022” нэгдсэн арга хэмжээний хүрээнд газар тариалангийн өдөрлөг, техник, тоног төхөөрөмжийн үзэсгэлэн худалдаа,  “Алсыг харъя органикийг сонгоё” органик хүнс үйлдвэрлэгчдийн өдөрлөг, хоолны шоу, хүнсний ногооны дуудлага худалдаа зохион байгуулагдах юм.