Э.Мөнхнасан: Цахилгаан автомашин 100 км-т 2600 төгрөг зарцуулдаг тул эдийн засгийн хэмнэлттэй
-Цахилгаан тээврийн хэрэгсэл ямар давуу талтай вэ?
-Сүүлийн жилүүдэд олон улсад цахилгаан, эко тээврийн хэрэгслийн хэрэглээ нэмэгдэж байна. Үүнтэй холбоотойгоор цахилгаан тээврийн хэрэгслийн үйлдвэрлэл ч эрчимтэй хөгжиж байна. Цахилгаан тээврийн хэрэгсэл эдийн засгийн хувьд өндөр ач холбогдолтой байна.
Жишээлбэл, иргэдийн нийтлэг хэрэглээний Pruis авто машин 100 км-т 17 мянган төгрөг зарцуулж байгаа бол цахилгаан машин 100 км-т 2600 төгрөг зарцуулдаг. Ингэхээр эдийн засгийн хувьд 2.6-3.9 дахин хямд байгаа юм.
-Одоогоор манай улсад хэчнээн цахилгаан тээврийн хэрэгсэл бүртгэлтэй байна?
-Зам, тээврийн хөгжлийн сайд С.Бямбацогт энэ 7 хоногийн Засгийн газрын хуралдаанд цахилгаан тээврийн хэрэгслийн хэрэглээг нэмэгдүүлэхтэй холбоотой төлөвлөгөөг танилцуулсан нь дэмжигдсэн.
Монгол Улсад 2023 оны эхэнд 700 орчим цахилгаан тээврийн хэрэгсэл байсан бол 2023 оны 12 сарын байдлаар 1000 орчим цахилгаан тээврийн хэрэгсэл бүртгэгдсэн байна. 2030 он гэхэд цахилгаан авто машины хэрэглээг 30 мянгад хүргэх зорилт тавьсан.
-Цахилгаан авто машины хэрэглээ нэмэгдэхээр дагаад цэнэглэх цэгүүдийг нэмэгдүүлэх шаардлага гарна. Энэ тал дээр ямар арга хэмжээ авч хэрэгжүүлэх вэ?
-Улсын хэмжээнд 1000 орчим цахилгаан цэнэглэгч төхөөрөмжийг бий болгоно. Томоохон хотхон, хороолол, худалдааны төвүүд, төлбөртэй зогсоолуудад цахилгаан цэнэглэгчтэй болгох үйл ажиллагааг төлөвлөсөн.
Одоогоор манай улсад 70 орчим цахилгаан цэнэглэх төв байгаа. Үүний 15 нь орон нутагт байна. Монгол Улсын Засгийн газраас 2024 оныг Бүсчилсэн хөгжлийг дэмжих жил болгон зарласан. Үүний хүрээнд баруун, зүүн, төвийн бүсдээ цахилгаан машин цэнэглэх цэг байгуулахаар ажиллаж байна.
Мөн авто зам дагуух үйлчилгээний цогцолборуудтай хамтран 150-200 км тутамд байгуулна. Аймаг бүрт жил бүр 2-3 цахилгаан авто машин цэнэглэх цэг байгуулахаар орон нутгийн удирдлагуудтай хамтран ажиллаж байна.
-Иргэд, аж ахуйн нэгж цахилгаан автомашин худалдаж авахдаа ямар нэг хөнгөлөлт эдлэх үү?
-Сангийн яамтай хамтран Гаалийн албан татвараас чөлөөлөх ажлыг ойрын хугацаанд хэрэгжүүлэхээр төлөвлөж байгаа.
Тээврийн хэрэгслийн дугаарын хязгаарлалтад оруулахгүй, татвараас чөлөөлөх, төлбөртэй авто зогсоолоор төлбөргүй үйлчлүүлэх зэрэг төр засгийн байгууллагуудаас дэмжлэг үзүүлэх хөнгөлөлтийн хэлбэрүүдийг үе шаттайгаар бий болгоно.
Бусад мэдээ
Бэлгийн хүчирхийллийн хохирогчид нөхөн сэргээх үйлчилгээг 6 сараас 1.7 жилийн хугацаанд үзүүлдэг
Мэдээ
НҮБ-ын Эрүүдэн шүүхийн эсрэг хороо дүгнэлт, зөвлөмжөө энэ сарын 22-нд нийтэд танилцуулна
Мэдээ
"Соёл танаас эхэлнэ" аян нэг сар үргэлжилнэ
Мэдээ
Цэргийн тэтгэвэр, тэтгэмжийг бууруулах тухай нэг ч хуулинд өөрчлөлт оруулаагүй
Мэдээ
Сэтгэгдэл
(0)
АНХААРУУЛГА: Уншигчдын бичсэн сэтгэгдэлд M21.mn хариуцлага хүлээхгүй болно. Манай сайт ХХЗХ-ны журмын дагуу зүй
зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ
зөрчсөн сэтгэгдлийг админ устгах эрхтэй.
