Испанид өнгөрсөн жил маш халуун зун болж, ган гачиг нүүрлэжээ. Үүнээс болж оливын модны тариаланд ихээхэн хохирол учирсан байна.

Испани улс тэргүүтэй Өмнөд Европын орнуудын хамгийн өргөн хэрэглээ болсон оливын тосны зах зээлд энэ нь асуудал дагуулжээ.

Одоо Испанийн хүнсний дэлгүүрүүдээс хамгийн их хулгайд алдагддаг бүтээгдэхүүнээр чидун жимсний тос буюу оливын тос нэрлэгдэх болоод байгаа аж. 

Уг нь тус улс оливын тос үйлдвэрлэлээр дэлхийд тэргүүлдэг ч ган гачгийн улмаас ургац муудаж, үүнээс улбаалан оливын тосны үнэ нэг жилийн дотор 70 хувиар өссөн байна.