Япон Улсын баруун өмнөд хэсэгт 6.6 магнитудын хүчтэй газар хөдлөлт болсны улмаас есөн хүн хөнгөн гэмтэж, усны хоолойн шугам сүлжээ эвдэрч, хөрсний гулгалт үүссэн байна.

Газар хөдлөлт далайн гадаргаас 50 км-ийн гүнд болсон бөгөөд цунами үүсэх аюул байхгүй гэж тус улсын цаг уурын агентлаг мэдэгдсэн юм.

Гал түймэр, гамшгийн удирдлагын газраас пүрэв гарагт мэдээлснээр, Эхимэ мужид зургаа, хөрш зэргэлдээх Кочи мужид нэг, Кюшү арлын Ойта хотод хоёр хүн гэртээ унаж бэртсэн гэж мэдээллээ.