Монгол Улсад Мал эмнэлэг, үржлийн алба байгуулсны 100 жилийн ойн хүрээнд зохион байгуулж буй “Махны үхрийн аж ахуй эрхлэгчдийн зөвлөгөөн” Сэлэнгэ аймагт эхэллээ.

Төв, Булган, Орхон, Сэлэнгэ, Дархан-Уул, Сүхбаатар, Архангай, Дорнод, Өвөрхангай зэрэг 10 гаруй аймгийн эрчимжсэн аж ахуй эрхлэгч иргэд, компаниудын 500 гаруй төлөөлөл зөвлөгөөнд оролцож байна.

Энэхүү үйл ажиллагаа нь махны үхрийн аж ахуйгаар олон жил ажиллаж, туршлага мэдлэг хуримтлуулсан нь анхлан эрхлэгч нарт алдаа оноо, сургамж, ололт амжилт, гарц шийдэл, цаашид анхаарах асуудлуудыг хуваалцан зөвлөж байгаагаараа онцлогтой, ач холбогдолтой юм гэж Хүнс, хөдөө аж ахуй, хөнгөн үйлдвэрийн яамнаас мэдээллээ.