Амаржсаны дараа 3 төрлийн шавхарга гарна.

Эхний 3-4 хоногт цуслаг улаан хүрэн, дараагийн 4-10 хоногт цайвар ягаандуу салслаг шавхарга, дараагийн 10-28 хоногт цайвар шаргалдуу шавхарга гардаг.

Дээр заасан хугацаа нь хүн хүний биеийн онцлогоос хамаараад бага зэрэг өөр байж болно.

Зарим тохиолдолд 8 долоо хоног хүртэл үргэлжилж болно.

Хүүхэд хөхүүлэх үед умай агшиж шавхаргын хэмжээ нэмэгдэх нь хэвийн үзэгдэл юм.

Харин шавхарга эвгүй үнэртэй, идээрхэг, хөөсөрхөг, гэнэт их хэмжээтэйгээр гарах, эсвэл огт гарахгүй байвал заавал эмчид үзүүлэх шаардлагатай.