Солонгосын анхны автомат жолоодлоготой такси Сөүл хотын Ганнам дүүрэгт үйлчилгээнд явж эхэлжээ.

Энэ такси нь даваагаас баасан гараг хүртэл 23:00 цагаас өглөөний 05:00 цагийн хооронд үйлчилгээнд явах юм байна. 

Тогтсон маршрут байхгүй бөгөөд одоогоор Ганнам, Сочү дүүрэгт туршилтаар явж байгаа аж. 

Таксинд туршилтын жолооч хамт явах бөгөөд орон сууцны хороолол болон хүүхэд хамгааллын бүсэд тээврийн хэрэгсэл гар аргаар жолоодох горимд шилжинэ. 

Эхний ээлжинд 3 ширхэг такси үйлчилгээнд явж байгаа бөгөөд нэг дор 3 хүртэл хүн суух боломжтой юм байна. 

Түүнийг энгийн таксины нэгэн адил "Kakao T" аппликейшн ашиглан дуудаж болох бөгөөд иргэд энэ оныг дуустал Ганнам дүүрэгт үнэ төлбөргүй зорчих боломжтой ажээ.