Зэвсэгт хүчний 2025 оны аварга шалгаруулах Цэрэгжлийн спортын өвлийн 2 төрөлт, ЦСЦ-ын өвлийн гурван олон төрөлтийн тэмцээний бэлтгэл энэ өдрүүдэд явагдаж байна.
Энэхүү тэмцээнийг залгуулаад цэрэгжлийн гимнастик, гардан тулаан, туухай өргөлт, цэрэгжлийн буудлага, цэргийн тусгай бэлтгэлийн хоёр төрөлт, дроны хоёр төрөлтөөр үргэлжилнэ. Мөн хоёрдугаар сард шагайн харваа, олс таталтын тэмцээнүүд явагдахаар төлөвлөгджээ. Өвлийн спортын төрлүүдэд Зэвсэгт хүчний олонх нэгтгэл, анги өргөн бүрэлдэхүүнтэй оролцохоор мэдүүлгээ өгөөд байгаа бөгөөд тэд тамирчдаа эртнээс бэлтгэж эхэлсэн нь тэмцээн хүч тэнцүүхэн, өрсөлдөөнтэй явагдах төлөвтэй байгааг зохион байгуулагчид онцолж байна.
Өвлийн улиралд явагддаг энэхүү цогцолбор тэмцээн нь цэргийн алба хаагчдын өвлийн сургалт бэлтгэл, байлдааны бэлтгэлийн үндсэн суурь болж өгөхөөс гадна эр зориг, тэсвэр тэвчээрийн илэрхийлэл, тэднийг бэлтгэх, сургах, дадлагажуулах нэг хэлбэр юм.