Хүнс, хөдөө аж ахуй, хөнгөн үйлдвэрийн Сайдын орон тооны бус зөвлөх Б.Ундрах-Од, Газар тариалангийн бодлогын хэрэгжилтийг зохицуулах газрын дарга Д.Есөн-Эрдэнэ нар Судалгаа хөгжлийн төвд ажиллалаа.
Тэд Арьс ширний төв лаборатори, Вирусгүй төмсний бичил булцууны үржүүлгийн төвийн үйл ажиллагаатай танилцсан юм.
Энэ үеэр төвийн удирдлагуудтай уулзалт хийж, Монгол Улсын Засгийн газрын хуралдаанаар батлагдсан “АТАР-4” тариалангийн тогтвортой хөгжлийн аяныг хэрэгжүүлэх шийдвэр гарсантай холбогдуулан цаашид хамтран ажиллах талаар санал солилцов.
Аяны хүрээнд орон нутагт газар тариалангийн чиглэлээр технологи дамжуулах төв байгуулах, захиалгат тариалан, мэргэжлийн зөвлөхийн цахим мэдээллийн сан бүрдүүлэх, салбарын яамнаас гарсан бодлогын баримт бичиг, тушаал шийдвэрийг түгээн дэлгэрүүлэх, орон нутгийн тариаланчдад технологит хугацаанд мэргэжлийн зөвлөх үйлчилгээ үзүүлэх боломж зэрэг асуудлыг хөндсөн байна.
