"Камчатское авиапредприятие" компанийн Ан-26 зорчигч тээврийн онгоц Петропавловск-Камчатский- Палана чиглэлд нисэж байхдаа долоодугаар сарын 6-ны өдөр осолдсон байна. Онгоцонд 22 зорчигч, нисэх багийн зургаан гишүүн байсан байна.

Онцгой байдлын газраас мэдээлснээр Палана тосгоны нисэх буудлаас 3,8 км-ийн зайд онгоцыг олсон ч, амьд гарсан хүн байхгүй гэж тус газраас мэдээлэв. 

Камчаткийн хязгаарт гурав хоногийн гашуудал зарлаж, ОХУ, Камчаткийн далбааг буулгажээ. Хөдөлгөөний аюулгүй байдал, агаарын тээврийн хэрэгслийг ашиглах  журам зөрчсөн хэргээр эрүүгийн хэрэг үүсгэсэн шалгаж эхэлсэн байна.